Myn hannen fiele krekt wat drûger
de fingers krekt wat stroever
Sûnder kleurke, binne de neils net sa moai
En strek ik myn fingers, sjoch ik dochs in ekstra ploai
Extra …
Boanus lyntsjes
streepkes, fan dy fyntsjes
It fel net mear sa strak
‘Beppehannen’ út it bad
neamden wy it lang lyn
As hie it elastyk der gjin sin mear yn
Strak ...
Pffff
Mar wat seit no in rimpel?
In dûkje, in tear?
Myn hannen ferriede mei flagge en wimpel
elk jier in jierke mear
By sa’n moaie leeftyd
stean ik even stil mei myn leave mannen
Ik haw goud yn jierren yn hannen!
40